Heydər Əliyev

Azərbaycanın görkəmli ictimai-siyasi və dövlət xadimi, Azərbaycan Respublikasının sabiq Prezidenti. XX əsrin dünya siyasətinin görkəmli simalarından olan H. Əliyev SSRİ-nin də rəhbərlərindən biri olmuşdur. 

Müstəqil Azərbaycana rəhbərlik etdiyi dövrdə regional sülh və dostluğa nail olunması, Azərbaycanın beynəlxalq nüfuzunun artırılması istiqamətində H.Əliyevin misilsiz xidmətləri olmuşdur . Siyasi və ictimai fəaliyyətinə görə o, bir sıra yüksək səviyyəli beynəlxalq sülh  mükafatlarına, müxtəlif ölkələrin universitetlərinin fəxri doktoru adına və digər yüksək nüfuzlu fəxri adlara layiq görülmüşdür. Dünyanın bir neçə ölkəsində şərəfinə heykəl və büst qoyulmuşdur.